4. F, besti bekkurinn

Óvissuferð

2008-06-17T22:50:00.000Z

5 ár

2008-05-05T22:37:00.002Z

Halló halló öll sömul, eða öllu heldur þið sem enþá lesið þessa síðu, ef þið eruð einhver. Nú er komið að því, þann 17. júní næstkomandi eru liðin 5 ár frá því við útskrifuðumst og af því tilefni verður mikið húllumhæ í sumar. En ætlum við að gera eitthvað saman, bara við í bekknum, þeir sem vita eitthvað mega endilega tjá sig hérna fyrir neðan.
með bestu kveðju
Gestur

Myndir

2007-09-04T18:18:00.001Z

Setti inn myndir nýlega frá partýinu á 17. júní í sumar, svona fyrir ykkur sem vissuð ekki af því. Tengillinn er neðst í tenglalistanum hægra meginn á síðunni.
Pís át.

Barnalán

2007-06-21T19:28:00.000Z

En fjölgar börnunum sem þessi bekkur hefur komið í heiminn. Þórunn var að segja mér að Sigrún hafi verið að eiga í morgun, það var víst stelpa og gekk allt vel. Meira veit ég ekki í bili. Endilega komið með það ef þið fréttið eitthvað

It's partytime... again

2007-04-05T16:26:00.000Z

Jæja, þá er komið að því, en einn veturinn bráðum að baki og þá vaknar upp spurningin, hvar og hvenær eigum við að halda partý í sumar. Er ekki annars stemming fyrir því? Þessir tveir mánuðir sem eru þangað til júní gengur í garð eiga eftir að fljúga hjá þannig þannig að það er alveg spurning að reyna að fara að skipuleggja eitthvað. Hvað segið þig, einhverjar hugmyndir?

Myndir og myndbönd

2006-06-20T22:05:00.000Z

Vil byrja á því að þakka þeim sem mættu fyrir skemmtunina um síðustu helgi. Annars hef ég verið að dunda við að setja inn myndir úr þessu partýi inn á myndasíðuna mína, þær má sjá á myndasíðunni minni www.picturetrail.com/gestur og svo setti ég tvö myndbönd á netið, þau má sjá hér: http://hi.is/~gesturpa/video_2006/
Þið verðið að gera copy/paste á þessar slóðir, kann ekki að setja tengla inn á þessa síðu.

Partý partý...

2006-06-14T20:41:00.000Z

Hæ hæ...
Loksins er búið að ákveða að hafa partýið á laug. 17.júní;) Það verður heim hjá Atla í Helgamagrastræti 48 nh:) Við stefnum á að byrja þetta klukkan 19:00 á því að grilla saman;) Við erum aðeins að skoða þetta og látum vita á morgun síðasta lagi á föstudag hvernig það verður. En allavega allir að mæta á laugardag til Atla klukkan sjö;)
Ef þið hafið einhverjar hugmyndir um það hvað þið viljið gera þá endilega setjiði komment!

Vorið að koma, senn líður að sumri

2006-04-22T11:42:00.000Z

Heil og sæl öll sömul.

Ég er bara hreinlega að komast í sumarskap. Snjórinn allur að fara hér á Akureyri og styttist í próftíð. Ég sit reyndar núna sveittur og er að klára lokaritgerðina mína í B.Sc. námi mínu í sjávarútvegsfræðinni. Einn af nördunum sem fór beint í háskóla eftir MA. Djöfull verður gott að vera búinn með þetta helvíti og fara vinna inn peninga allt árið.

Er ekki eitthvað að frétta af einhverjum öðrum?

Ég var samt að velta fyrir mér hvað við ættum að gera í sumar þegar við hittumst. Hvað ætlum við að gera?

Kv. Atl i Þór

Tíminn líður hratt...

2006-03-31T15:21:00.000Z

Jæja, gott fólk, ákvað að líta stutta stund upp úr lærdómnum til að rita hér nokkur orð. Nú líður tíminn hraðar áfram en ég kæri mig um og sumarið nálgast óðfluga. Því datt mér í hug að spyrja hvort það væri ekki einhver stemming fyrir því að hittast eitthvað í sumar, hvort sem það er partý, bústaðarferð eða eitthvað annað skemmtilegt. Hvað segið þið, einhverjar hugmyndir? Held við verðum að passa okkur að láta þennan hitting ekki detta uppfyrir því þá gæti það farið svo að við hættum að hittast nokkuð utan stórafmælanna. Vona bara að það séu ekki það margir í útlöndum þannig að þetta verði eitthvað þunnur hópur sem er á landinu. Endilega tjáið ykkur.

Party

2006-02-10T14:14:00.000Z

Þá er komin lokaniðurstaða í málið, ákvað bara að taka tilkynninguna sem Guðný setti inn á síðuna hjá hinum sjö fræknu því hún segir allt sem segja þarf:

Þá er komið að því ................Dúndur KveðjuPARTÝ verður haldið Laugardaginn 11. feb klukkan 18:00 ... Á MORGUN nánar tiltekið á Blikhólum 8 í Breiðholtinu ( ghettoinu) heima hjá Gessa ! Þetta er Þemapartý og því mikilvægt að allir fari nú að skoða skápana sína og dragi fram 80´s fötin sín ....... !!! SKYLDA ! annars bíður einstaklingsins hörð Refsing .... he he

Ég vona að sem flestir mæti og veiti mér þann heiður að sötra með mér ískaldan Pilsner ... svona í síðasta skiptið í bili ... og skrifi nokkur heilræði til mín í bók sem ég hef ákveðið að hafa mér út til halds og traust ... ekki veitir af ! !!! og svo skella að sjálfsögðu sér allir í bæinn og stefnt verður á að dansa frá sér allt vit og svitna ærlega saman í glansgöllunum og lakkskónum !!! wohaaa

2006-02-07T17:49:00.000Z

Partí
Hvar: Blikahólar 8
Hvenær: Laugardaginn 11. febrúar klukkan 20:00

P.s. Það eru einhverjar fleiri hugmyndir í gangi. Það væri samt gott að þeir sem komast létu vita. Reyni að setja inn frekari tíðindi hingað inn þegar nær líður.

Partí anyone?

2006-01-22T21:31:00.000Z

Við Guðný vorum að ræða um það um daginn að það væri kominn tími til að halda bekkjarpartí, allavega fyrir þau okkar sem eru sunnan heiða. Datt bara í hug að athuga hvort það væri einhver áhugi fyrir þessu og hvenær við gætum haft það. Væri gaman að halda það áður en Guðný yfirgefur klakann um miðjan febrúar. Hvað finnst ykkur, er ekki einhver stemming fyrir þessu?

Sma report

2006-01-03T20:53:00.000Z

Jæja þá held ég að ég verði að vera við bón Gests um að setja eitthvað inná þessa síðu. Síðasta ár hefur verið mjög viðburðaríkt hjá mér og erfitt ad segja fra ollu, en eg ætla að gera mitt besta og stikla a tví stærsta....

Skolaarid 2003-2004 var eg i VMA ad nema textíl-hönnun og gekk bara mjög vel en fatahönnunin heillaði meira svo ég flutti til Reykjavíkur og hóf nám i FG. Leigði litla íbúð í Fossvoginum og var að vinna í dömudeild Debenhams um helgar og eftir skóla svo maður gerði lítið annað en að vinna, læra og sofa. En ég hafði þetta nú af og útksrifaðist með stúdentspróf frá FG í fatahönnun vorið 2005.
Strax eftir útskrift fluttist ég til London þar sem ég komst að sem aðstoðarhönnuður (designer-assistant) hjá Oasis yfir sumarið. Ég á ekki til orð yfir hversu gaman og lærdómsríkt það var að búa í London og á ég frekar erfitt með að lýsa þessu í stuttu máli. Vinnan var frábær og hálf súrealiskt að sjá eitthvað sem maður hefur teiknað eða á einhvern hátt komið að sett í fjöldaframleiðslu og svo selt um allann heim. Önnur upplifun voru hryðjuverkaárásirnar á London í Júlí, en ég slapp naumlega þar því lest sem ég steig úr á síðastu mínútu var sú sem mætti þeirri sem sprakk á Kings - Cross. Svo má ekki gleyma pöbba-menningunni, krikketinu og öllu sem fylgir því að búa í Englandi en ég held að ég hafi fengið þetta allt nokkuð beint í æð og það leið varla sá dagur sem maður var að gera eitthvað nýtt og spennandi.
En sumarið tók enda og ég pakkaði saman föggum mínum til að flytja til Danmerkur því ég komst inní frábæran hönnunarskóla, TEKO, og er að læra markaðsfræði tengda hönnun. Ég er á alþjóðlegri braut sem þýðir að allt er kennt á ensku sem er mjög hentugt þar sem að MA-danskan situr ekki beint í manni. Námið er mjög fjölbreytt og þótt svo að mitt nám sé að mestu falið í markaðsfræði þá tökum við líka fullt af hönnunar og material-knowledge einingum + hverju markaðsfræði-verkefni fylgir alltaf einhver teikning eða hönnun. Námið tekur tvö ár svo ég verð hér allavega fram á vor 2007 og bæti svo við mig BA gráðu einhverstaðar annarstaðar, en það skýrist svosem betur þegar nær dregur.
Eftir að hafa veri í 8 mánuði úti var gott að koma heim um jólin þó svo að stoppið hafi nú ekki verið nema 10 dagar. Ég sit einmitt núna á Kaupmannahafnarvelli að bíða eftir lest "heim" eða til Herning svo ég nýti mér þráðlausa netið og dauðann tíma í að hripa niður þennann annál eða report. Framundan er erfið önn þar sem að það er mikið um stór verkefni auk þess sem við förum í tíu daga námsferð til Barcelona. Það er svo í bígerð að fara til London í atvinnuviðtöl fyrir sumarið og reyna að komast að sem designer assistant hjá Oasis eða öðru fyrirtæki. Ef það gengur ekki upp er ég með vinnu hér í DK á hóteli í bakhöndina svo maður kemur ekkert heim næsta árið eða svo....
Jæja ég held að þetta sé svona það helsta, ég blogga mjög svo (ó)reglulega á www.blog.central.is/borgarbeib ef þið viljið fylgjast meira með :) Vona að þið hafið það sem allra best og fylgið fordæmi mínu (þó svo seint sé) og setjið inn smá report frá ykkur hérna inn, ég óska ykkur öllum gleðilegs árs og treysti á að einhver góður aðili taki að sér að skipuleggja reunion um næstu jól ;)
maría í DK yfir og út .......

Gleðilegt nýtt ár...

2005-12-31T12:00:00.000Z

...þakka kærlega fyrir allt gamalt og gott. Við sjáumst svo hress á nýju ári.

Bestu nýárskveðjur.

Lífgunartilraunir í upphafi aðventu

2005-11-29T22:25:00.000Z

Stekk hérna til í upphafi aðventu og reyni að hefja lífgunartilraunir á þessari síðu. Býst við því að þau ykkar sem eru í skóla séu núna að fara inn í jólaprófin hvað úr hverju líkt og ég sjálfur. Ætlaði því bara að senda baráttukveðjur til ykkar allra, já og líka þeirra sem eruð ekki í skóla, passið að yfirkeyra ykkur ekki í stressinu sem er framundan.

Hugleiðingar um ástina og lífið

2005-10-07T09:37:00.000Z

Takk Gestur! :D
Nú skal ég láta í mér heyra loksins. Ekki núna samt, þarf að drífa mig í skólann.. en mun láta í mér heyra von bráðar eða skömmu síðar.
Bless á meðan og megi guð og Jesús vera með ykkur og allt það.
Vilborg.

Nýtt útlit

2005-09-28T12:37:00.000Z

Jæja, þá er þetta loksins komið, nýtt útlit og flestir eiga að vera komnir með aðgang, hvort sem þeir eru búnir að virkja hann eða ekki. Svona til þess að það sé á hreinu þá verðið þið að búa til aðganginn, þar með talið notandanafn og lykilorð, ég kem ekki nálægt því. Ég sendi ykkur bara boð um að slást í hópinn svo það er í raun undir ykkur komið hvort þið hafið aðgang þannig að það þýðir ekkert að skamma mig ef þið hafið ekki fengið aðgang. Þið þurfið bara að athuga póstinn ykkar og ef það er ekki þar þá get ég sent ykkur skeytið aftur á það e-mail sem þið viljið. Bara svo þið vitið það þá verður Ísak áfram með aðgang að þessari síðu ef eitthvað skyldi koma uppá. Hann lofaði að stelast ekki til þess að blogga hérna þannig að við verðum bara að vona það besta.
Fleira var það ekki í bili